Chapter : બહેનોની હજ્જ
(Page : 205 to 207)
પોતાના વતન પાછા આવવાના અદબો
જયારે સરદારે દોઆલમ, તાજદારે મદીનહ, આકાએ નામદાર હઝરત મુહમ્મદ (સલ્લલ્લાહુ અલયહિ વ સલ્લમ)ની ઝિયારત, મસાજિદ તથા ઝિયારતના કાબિલ જગાઓની ઝિયારતથી ફારિગ થઈ, પોતાના વતન પાછા આવવાનો ઈરાદો હોય, તો મસ્જિદે નબવી (સલ્લલ્લાહુ અલયહિ વ સલ્લમ)માં અથવા મેહરાબે નબવી (સલ્લલ્લાહુ અલયહિ વ સલ્લમ)માં અથવા એનાથી નઝદીક જયાં પણ જગા મળે, બે રકા’ત નમાઝ પઢો, ત્યાર પછી રવઝએ અતહર (સલ્લલ્લાહુ અલયહિ વ સલ્લમ) ઉપર હાજરી આપીને સલામ પઢો, અને દીનો દુન્યાની જરૂરતોની અને હજ્જ તથા ઝિયારતના કબૂલ થવાની તેમજ પોતાના ઘરે સહીસલામત પહોંચી જવાની દુઆઓ માંગો અને કહો :
اَللّٰھُمَّ لا تَجْعَلْ ھٰذَآ اٰخِرَ الْعَھْدِ بِِنَبِیِّکَ، وَ مَسْجِدِہٖ، وَ حَرَمِہٖ، وَ یَسِّرْ لِیَ الْعَوْدَ اِلَیْہِ، وَ الْعُکُوْفَ لَدَیْہِ، وَ ارْزُقْنِیْ الْعَفْوَ، وَ الْعَافِیَۃَ فِیْ الدُّنْیَا، وَ الاٰخِرَۃِ، وَ رُدَّنَا اِلٰی اَھْلِنَا، سَالِمِیْنَ، غَانِمِیْنَ برَحْمَتِکَ، یَا اَرحَمَ الرَّاحِمِیْنَ۔
”અય મારા અલ્લાહ ! તમો પોતાના નબી (સલ્લલ્લાહુ અલયહિ વ સલ્લમ) અને મસ્જિદે નબવી (સલ્લલ્લાહુ અલયહિ વ સલ્લમ)અને હરમે નબવી (સલ્લલ્લાહુ અલયહિ વ સલ્લમ)ની આ ઝિયારતને છેલ્લી ઝિયારત ના બનાવો અને મારા માટે ફરીવાર આવવાનું અને રોકાવાનું આસાન ફરમાવો અને દીનો દુન્યાની સલામતી મારા માટે મુકદદર ફરમાવો અને હું મારા ઘરે અજરો સવાબ લઈને સહી સલામત પહોંચી જાઉ એવું મુકદ્દર ફરમાવો, ઓ અરહમુર્રાહિમીન.”
અને આ ટાઈમે જેટલો ગમ અને મલાલનો દેખાવ થઈ શકતો હોય એટલો જરૂરથી કરો અને હજ્જ, ઉમરહ, ઝિયારતના આ લાંબા સફરમાં જયાં જયાં રડયા છો, તે પછીનું જે કંઈ પાણી આપની આંખોમાં બાકી રહી ગયું હોય, તે બધું જ આ મૌકા ઉપર વહાવી આપો. આ ટાઈમે આંસુઓનું નીકળવું અને દિલના ઉપર ગમ તારી થવો કબૂલિયતની નિશાની છે. પછી રડતાં રડતાં, દરબારે રિસાલતની જુદાઈ ઉપર હસરત અને અફસોસ કરતાં કરતાં, પોતાની પાસે જે ગુંજાઈશ હોય એટલું મદીનહ મુનવ્વરહના ફકીરો ઉપર સદકહ કરી આપો, અને સફરની દુઆઓ પઢતાં પઢતાં, પોતાનો સફર શરૂ કરી આપો.
આપને આ પણ યાદ અપાવું, કે તમારે જિદદહ થોડુંક રોકાવવાનું થશે, માટે ત્યાંની જરૂરત માટે પોતાના પાસે થોડાક રિયાલ જરૂરથી રાખશો. જેથી જરૂરત પડયે કામ આવી શકે.
Log in or Register to save this content for later.