Chapter : નમાઝ
(Page : 269)
સવાલ :– સજદહનો શું અર્થ છે, સજદહ કોને કહેવાય ?
જવાબ :– સજદહ અરબી ભાષાનો શબ્દ છે, અને ભાષાની દ્રષ્ટિએ સજદહનો અર્થ ઝુકવા અને નમવાનો થાય છે. (‘મુગરિબ)
‘અલ–બહરુર્રાઈક’માં છે કે, સજદહની હકીકત આ છે કે ચહેરાનો અમુક ભાગ એ પ્રમાણે જમીન ઉપર મુકવામાં આવે કે તે હાંસીપાત્ર અને મજાકની સૂરતથી ન હોય, બલ્કે તાઝીમ અને અદબની રીતથી હોય અને કામિલ સજદહ અદા કરવાની સૂરત હદીસ શરીફથી આ પ્રમાણે સાબિત છે કે સજદહ કરનાર પોતાની પેશાની, નાક, બંને હાથ, બંને ગુંઠણ અને બંને પગોની આંગળીઓ જમીન ઉપર મૂકે. (‘શામી ૧/૩૦૦, ‘કબીરી ર૮ર)
Log in or Register to save this content for later.