Chapter : ઝકાત
(Page : 44-45)
મોટર ગેરેજ અને મોબાઈલ ફોન વગેરેના રિપેરીંગનો ધંધો કરતા માણસ પાસે રિપેરીંગમાં વપરાતા જે સ્પેરપાર્ટસ સ્ટોકમાં મવજૂદ હોય તે સ્પેર પાર્ટસને તેણે ઝકાતના હિસાબમાં ગણવાના રહેશે અને સ્પેરપાર્ટસનો છુટક ભાવ ગણી તેની ઝકાત આપવાની રહેશે.
૧૧]
ખરીદારે કોઈ માલ – મિલ્કત ખરીદી હોય અને તે ખરીદેલા માલ – મિલકતનો હજુ તેને કબ્ઝો ન મળ્યો હોય, પરંતુ ખરીદારે તેની નકકી થયેલી પૂરી કે થોડી કિંમત વેચનારને એડવાન્સ આપી દીધી હોય તો ખરીદારનું ઝકાતનું વર્ષ પૂરૂં થાય ત્યારે તેણે તે એડવાન્સ આપેલી કિંમતની ઝકાત આપવી ફર્ઝ નથી.
૧ર]
ભાડૂતે ભાડે લીધેલા મકાન અને દુકાનની ડીપોઝીટ પેટે મકાન અને દુકાનના માલિકને આપેલી રકમનો સામાન્ય રીતે તેઓ ઉપયોગ કરે છે, તેને જે તે હાલતમાં જમા રાખતા નથી, એટલે તેને ભાડૂતે આપેલું કર્ઝ ગણવામાં આવશે અને ભાડૂતે તે રકમ વસૂલ થાય ત્યારે પાછલા બધા વર્ષોની ઝકાત આપવી પડશે.
૧૩]
સરકારી કાયદા મુજબ કર્મચારીના પગારમાંથી પ્રોવિડન્ટ ફંડ (પી.એફ.) ના નામથી ફરજિયાત અથવા મરજિયાત કપાતી જમા રકમ જયાં સુધી કર્મચારીને મળે નહિ ત્યાં સુધી તે જમા રકમની ઝકાત ફર્ઝ નહિ થાય, તે રકમ વસૂલ થયા પછી કર્મચારી શરઈ દ્રષ્ટિએ માલદાર હશે તો ઝકાતનું વર્ષ પૂરૂં થતા મળેલી જમા રકમની ફકત ચાલુ વર્ષની ઝકાત આપવી પડશે.
૧૪]
ઝકાત અને સદકહની રકમ કોઈ મદ્રસા, અંજુમન અને બૈતુલમાલના વહીવટકર્તાને આપવાથી અથવા જે તે સંસ્થાની વહીવટી ઓફિસમાં જમા કરાવવાથી કે સંસ્થાના સફીરને આપવાથી ઝકાત અને સદકહ અદા થઈ ગયેલ ગણાશે અને સંસ્થામાં તે રકમ જમા રહેવાથી તેના ઉપર ઝકાત ફર્ઝ નહિ થાય અને સંસ્થાએ તે રકમ તલબા અને હકદારોની ઝરૂરતોમાં શરીઅતના હુકમ મુજબ વાપરવાની રહેશે.
Log in or Register to save this content for later.