Chapter : નમાઝના જરૂરી મસાઈલ
(Page : 20-21)
વુઝૂમાં ચાર વસ્તુ ફર્ઝ છે :
- એક વાર પેશાનીના વાળથી હડપચીની નીચે સુધી અને એક કાનથી બીજા કાન સુધી પુરૂ મ્હોં ધોવું.
- બન્ને હાથો કોહણી સમેત એક-એક વાર ધોવા.
- એક વાર માથાના ચોથા ભાગનો મસોહ કરવો.
- એક-એક વાર બન્ને પગ ઘુંટી સમેત ધોવા.
આ ચાર વસ્તુ વુઝૂમાં ફર્ઝ છે. આ ફર્ઝોમાંથી જો એક ચીઝ પણ ધોવાની રહી જશે અથવા વાળ બરાબર પણ કોઈ જગ્યા સૂકી રહી જશે, તો વુઝૂ થશે નહીં. (દુર્રે મુખ્તાર)
વુઝૂની સુન્નતો :
- નિય્યત કરવી. એમાં ઈરાદો કરવો કિફાયત થઈ જશે, ઝબાનથી કહેવું જરૂરી નથી.
- બિસ્મિલ્લાહિલ અઝીમ, વલ હમ્દુ લિલ્લાહિ અલા દીનિલ ઈસ્લામ પઢીને વુઝૂ શરૂ કરવું.
- મ્હોં ધોવાથી પહેલાં બન્ને હાથ કાંડા સુધી એક વાર ધોવા.
- ત્રણ વાર કોગળા કરવા. દરેક વાર મોઢુ ભરીને પાણી લેવું અને રોઝો ન હોય તો ગળગળો કરવો. મિસ્વાક કરવું.
- નાકમાં ૩ વાર પાણી પહોંચાડવું. દરેક વખતે નવું પાણી લેવું અને જો રોઝો ન હોય તો ઉપર સુધી પહોંચાડવું.
- હાથ આંગળીઓ તરફથી ધોવા. કેણીથી નીચે તરફ ન ધોવા.
- હાથ ધોયા પછી આંગળીઓનો ત્રણ વાર ખિલાલ કરવો.
- પગ ધોતી વખતે ત્રણ (૩) વાર આંગળીઓનો ખિલાલ કરવો.
- આખા માથાનો એક વાર મસોહ કરવો.
- માથાનો મસોહ કર્યા પછી બન્ને કાનોનો મસોહ કરવો.
- દરેક અવયવને ત્રણ વાર ધોવા.
- વુઝૂ ક્રમવાર કરવું.
- જમણા અંગને ડાબા અંગ કરતાં પહેલાં ધોવું.
- એક અંગ સૂકાતા પહેલાં બીજુ અંગ ધોઈ લેવું.
- ધોતી વખતે હાથથી બરાબર મસળવુ અને ફેરવવું.
વુઝૂમાં મુસ્તહબઃ
- જમણી બાજુથી શરૂ કરવું.
- ગરદનનો મસોહ કરવો.
- વુઝૂના કામને પોતે કરવું, બીજાની મદદ ન લેવી.
- કિબ્લા તરફ મ્હોં કરીને બેસવું.
- ઉંચી અને પવિત્ર જગ્યા ઉપર બેસીને વુઝૂ કરવું.