[૧૯૮] ભાણ્યાને ઝકાત આપવી

Chapter : ઝકાત

(Page : 235-236)

સવાલ :–  સગા ભાણ્યાને ઝકાત આપી શકાય કે નહિ? બહેન ગુઝરી ગયેલ છે, બાપની સાથે રહે છે. બાપની આવક તથા બાપે લઈ આપેલ ટેમ્પોથી ગુજરાન ચાલે છે એની પોતાની માલિકીની મિલ્કત વગેરે નથી.  બહાર જવાની કોશિષ કરે છે અને એના ખર્ચ માટે રકમની ઝરૂર છે. એને જાણ ન થાય તે રીતે ઝકાતની રકમ આપી શકાય કે નહિ?

જવાબ :– બહેનના છોકરાને ઝકાત આપી શકાય છે, પરંતુ જો બહાર જવા માટે તેની પાસે સાડા બાવન તોલા ચાંદીની કિંમત બરાબર રોકડ રકમ જમા હશે તો હવે જયાં સુધી તે રકમ વપરાય ન જાય ત્યાં સુધી ઝકાતની વધુ રકમ તેને આપવી જાઈઝ નથી.                  (શામી–ર)

Log in or Register to save this content for later.